Lied "Sit rueig!" (Franz Hohler)

Aus Mikiwiki
Wechseln zu: Navigation, Suche

Aus der Schweizer Fernsehsendung Denkpause (1980).

Inhaltsverzeichnis

Urheber

Autor Franz Hohler
Texttitel Sit rueig!
Untertitel
Sprache Schweizerdeutsch
Veröffentlichung
Datum Autor Format Titel Herausgeber Anmerkungen
1980 Franz Hohler Fernsehsendung Denkpause country CH.gif CH:

Originaltext

Sit rueig!

Sit rueig!
Sit rueig!
Dir chönntet öpper schtöre!
Sit rueig!
Sit rueig!
Süsch isch's denn gly passiert!

Tüet doch bitte d Tür nid schletze
S chönnt d Frau Eidebänz verletze!
Müesst dir denn dur d Wonig schpringe
und derzue no Liedli singe?
Gumpet nid so lut im Hüsli!
Dörft scho gumpe, aber lysli!
Herrgott nomol, ghöreter nüt?
Undedra het's au no Lüt!

Sit rueig!
Sit rueig!
Dir chönntet öpper schtöre!
Sit rueig!
Sit rueig!
Süsch isch's denn gly passiert!

Schluss mit Johle, sit so guet
Süsch het der Herr Joscht e Wuet!
Höret uf dur d Chuchi hagle!
Tüet das Brätt vorusse nagle!
Rüefet nid so lut vom Hüsli!
Dörft scho rüefe, aber lysli!
Herrgott nomol, ghöreter nüt?
Obedra het's au no Lüt!

Sit rueig!
Sit rueig!
Dir chönntet öpper schtöre!
Sit rueig!
Sit rueig!
Süsch isch's denn gly passiert!

Schtellet die Kassette lyser
Dänket chli a s Fröilein Wyser!
S wird nid tschuttet uf der Schtäge!
Wie mängisch mues ech das no säge?
Schpüelet nid so lut im Hüsli!
Dörft scho schpüele, aber lysli!
Herrgott nomol, ghöreter nüt?
Näbedra het's au no Lüt!

Sit rueig!
Sit rueig!
Dir chönntet öpper schtöre!
Sit rueig!
Sit rueig!
Süsch isch's denn gly passiert!

Höret uf mit Randaliere!
Me sett ech all i d Limmat rüere!
S wird nid blüttlet uf de Schtrosse
Süsch schlömmir euch zu Brei und Sosse!
Schreiet nid nach Jugendhüsli!
Dörft scho schreie, aber lysli!
Herrgott nomol, ghöreter nüt?
Rächts vo euch het's au no Lüt!

Sit rueig!
Sit rueig!
Dir chönntet öpper schtöre!
Sit rueig!
Sit rueig!
I glaub, es isch scho passiert!