Lied "Geisterbeschwörig" (Franz Hohler)

Aus Mikiwiki
Wechseln zu: Navigation, Suche
Liedtitel Geisterbeschwörig
Titelcode
Musikautor Franz Hohler
Textautor Franz Hohler
Herausgeber

Geisterbeschwörig

vorzutragen zum Schwingen eines Schwirrholzes

Ihr guete Geister uf allnen Alpe!
Lönd ech vo den Ingenieure nid lo vertschalpe!

Ihr guete Geister vom Val Madris!
Gänd eue Bode nid eifach priis!

Und wenn d Herre chömed ins Val Curciusa
jaget sen eifach zum Talboden usa!

Und chömed die Herre ufe Bernina
denn blooset sen abe uf Pontresina!

Und ganz wyt hinden im Val Bercla
do hälfed eu sicher es paar Zwergla!

Ihr guete Geister zoberst im Grimsel!
Mir wette chli meh als paar truurigi Grinnsel!

Ihr guete Geister vo Felsen und Ställ!
Rettet eus eusi Wasserfäll!

Schützet d Natur, üses würkleche Huus!
Susch tröchnen am Änd üsi Seele no us!
Susch tröchnen am Änd üsi Seele no us!

Anmerkungen

  • Erstmals gesungen während eines Warnfeuers im Val Madris (Graubünden, Schweiz).