Lied "Silbernadle" (Hanery Amman, Polo Hofer)

• Musik und Text: Hanery Amman, Polo Hofer

Aufnahmen und Veröffentlichungen

1977.06 Rumpelstilz () Aufnahme: Bern, Sinus Studio
1977	Rumpelstilz	LP	La dolce vita	CH: Schnoutz 6326.933 / Phonogram

Text

Scho wo mer sy Goofe im Chindergarte gsy, hei mer gwohnt im glyche Block Mir sy ga schute, sy zäme a See u sy i d'Schuel im glyche Stock U d'Jahr sy ume u d'Schuel isch ändlech us, da fat z'Lehre erscht rächt a Är isch i z'Wälsche, i ha ne nume sälte gseh, är het bimne Beck e Lehrschtell gha Zäh Monet später chunnt är scho wieder hei, seit dä Bruef syg nid sis Ziel Är syg nid z'Schlag cho bi fremde Lüt elei, het me gseit im Dorf u süsch no viel Är isch gar bleich gsy, het chum es Wort meh gseit, het nüt meh gwüsst mit sich az'fa Het gschwärmt vo Reise u vo're bessere Wält u het keini rächte Fründe meh gha U wo ihm irgendso e Typ vo däm Pulver offeriert Da het är ohni z'dänke zum erschtemal probiert U z'Läbe syg nie schöner gsy als i däm Ougeblick Aber scho wenig später het är bättlet für ne Kick U sy Wält isch zämegheit, wenn är kei Stoff het übercho Het gfieberet u gfrore u chunnt nümm los dervo Är het glitte u gwinslet wie ne Hund Verschtoche, am ganze Körper wund

Sie hei ne hüt gfunde Im dunkle Chäller unde E Silbernadle töif im Arm U chalt wie Ys dass Gott erbarm! U dä Verbrächer wo ihm gä het vo däm Gift, dä het ihm nüt als Schmärz verchouft I hoffe schwär, dass ne d'Schtraf gly trifft, süsch nimmt's no mänge, we dä frei umelouft I cha nid begryfe, wie's sowyt het chönne cho, cha nid gloube, dass so öpis git Jetz hei se ne gfunde, ha's vori grad verno, ha gmeint, i kenn'ne guet, aber sicher bini nid Sie hei ne hüt gfunde Im dunkle Chäller unde E Silbernadle töif im Arm U chalt wie Ys dass Gott erbarm!