Quelltext der Seite Lied "I la mi la gah" (Jacob Stickelberger)

<noinclude>{{Lied
| liedtitel = I la mi la gah
| alternativtitel = 
| iswc = 
| gema = 
| musikautor = Jacob Stickelberger
| arrangeur = 
| textautor = Jacob Stickelberger
| spezialtextautor = 
| herausgeber = 
| unterherausgeber = 
}}

== Text ==

<poem>
I sitze da mit dir mi Frou
A üsem runde Stubetisch
Und du weisch nid wie wettisch ou
Wies im Moment grad in mir isch
I lue di a, verstolle zwar
Dis Gsicht und d'Händ und dini Haar
Wo 10 Jahr älter worde si
natürlich gseht me das e chli
Am Hals si scho paar Fältli cho
Es entgeiht mer nid, doch s'gfallt mer so
Doch du, was dänksch du äch vo mir
Vo däm wo da sitzt näbe dir
Vo däm wo keini Wünsch me het
Als es Glas Bier und früe is Bett
Isch das dä Ma so fragt di Blick
Dä wo du einisch gärn hesch gha
Und stimmt ig wirde e chli z'dick
I la mi gah..., i la mi gah...

Wenn du alei ir Chuchi steisch
Vor em ne Bärg vo bruchtem Gschirr
De chönts passiere das du seisch
Du haltischs nümme us bi mir
I bi ja selber t'schuld das i
En Art e Bünzli worde bi
Zum Bispiel mache i bereits
Der Hof am Fräulein i dr Beiz
I giengti gschieder wieder us
Mit Dir statt z'spare für es Huus
Natürlich fahr i nümme Schi
Das isch z riskant, dasch längscht verbie
Ga tanze chöi mer nümm mi Bruef
Verbietet das und mi guet Ruef
Keis wunder luegsch sentimental
A me ne Italiener na
Und ig, ig merkes nid emal
I la mi gah..., i la mi gah...

Es isch war gsesch wirklich härzig us
Ja merk ig s gottfriedstutz ersch jetzt
Du chöntisch mit em ne andere drus
Und i ha gmeint, sigsch mi Besitz
So wie ni gmeint ha siner Zyt
Bi üs zwöi gäbis nie kei Strit
Doch sithär ha dr, s'tuet mer leid
So huufe wüeschti Sache gseit
S'wär meischtens gar nid nötig gsi
I gseh das plötzlich alles i
I weiss nid söll i hie am Tisch
Denn es tüecht mi das du truurig bisch
Di wieder mal id Arme näh
Oder würsch dänke, spinnt de dä
Wett das Du wieder schimpfsch und lachsch
Und seisch verdrück mi nid mi Ma
Wett wieder das so Auge machsch
Wett wieder das di lasch la gah.
</poem>

== Anmerkungen ==

* Gesungen von [[Jacob Stickelberger]].


{{cat|Lied}}
{{cat|Jacob Stickelberger}}</noinclude><includeonly></includeonly>